الجمعة 26 مايو 2023
عمرو يوسف_ القاهرة
أعلنت البلوجر سارة محمد، خطبتها عبر حسابها الشخصي انستجرام، منذ دقائق ونشرت صورا لها هي وخطيبها على صفحتها الشخصية.
وقالت البلوجر سارة محمد: الحمد لله الذي تتم بنعمته الصالحات، صاحب العمر أول شخص اتقدم لي في حياتي والظروف بعدتنا والحادثة جمعتنا، وعوض ربنا لي خلاص، قرينا الفاتحة.
View this post on Instagram
الخطوبة تم الإعلان عنها بعد أيام قليلة من نجاح تركيب عين صناعية مكان العين التي أتلفت بعد الحادث الأخير الذي تعرضت له.
وقالت سارة في مقطع فيديو: قررت أشاركم معايا النهاردة اليوم كامل، أول حاجة هبدأ بيها النهاردة، هي تركيب العين الصناعية مكان العين اللي اتدمرت، عايزة أوريكم العين الصناعية هتبقى شكلها عامل ازاي، رأيكم يهمني.
وأضافت: دخلت العيادة بمساعدة صاحبتي، والدكتور بدأ يجهز عيني علشان العين الصناعية ما تتعبنيش، علشان دي حاجة جديدة، والدكتور كان بيجيب مقاس العدسة الصناعية وتأكد أنها بتتحرك بشكل طبيعي.
وقدمت البلوجر سارة محمد مكاسبها من محنة فقدان البصر نهائيا، في أول فيديو بعد فشل جراحة ترقيع الشبكية وقالت إن الأزمة عرفتها “معادن الناس” ومن الذي يحبها بصدق، ومن كان يتودد إليها من أجل الشهرة، وأكدت أن الإعاقة البصرية لن تمنعها من مواصلة تحقيق أحلامها.
أضافت في مقطع فيديو شاركته عبر حسابها الرسمي بموقع الفيس بوك، ظهرت فيه برفقة صديقة لها: إن الانسان يكون كفيف مش معناه إنه يكون عنده إعاقة احنا نقدر نعمل كل حاجة والأعمى الحقيقي أعمى القلب”.
وتابعت: “بعد اللي حصلي قدرت أعرف معادن الناس كويس جدا ومين اللي بيحبني واللي كان بيشتغلني”
سارة محمد لم تتغير بعد فقدان البصر
وبعدها ظهرت وهي في أحضان صديقتها وتغني لها أغنية “أجدع صحاب”، ووجهت صديقتها رسالة مؤثرة لها، قالت فيها: “سارة جميلة جدا ومفيش أي حاجة اتغيرت فيها والناس كلها بتحبها، وهي حبيبتي وصحبتي وأغلى حاجة في حياتي وأنا جنبك مهما حصل ومش هسيلك أبدا، ومامتك جميلة، الدنيا دي مش حاجة دي دار اختبار وهتدخلي الجنة من غير حساب ودي نعمة من نعم ربنا عليكي”.
من جانبها ردت سارة محمد عليها، وقالت: هي دي اللي طلعت بيها من الدنيا.
وسبق أن كشفت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، مؤكدة رضاها بكل ما كتب عليها من تغيرات صادمة في حياتها، وتمنت فقط أن تتوقف حملة الشائعات التي تلاحقها، وأشارت إلى أن حالتها النفسية تحسنت قليلا بعد حملة الدعم المتداولة حاليا على مواقع التواصل الاجتماعي، كما توجهت برسالة لمرتكبي الحادث.
سارة محمد: أكتر حاجة مقوياني دعمكم ليا النفسي
وأضافت سارة محمد في لقاء مسجل ببرنامج صبايا الشمس مع المذيعة ريهام سعيد، عرض بعد ساعات قليلة من إعلان فقدانها البصر نهائيا: أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله أن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا.
وواصلت قائلة: مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة أني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة أني هلاقي ناس كتير كدا بتحبني ومهتمة بمرضي.
وتابعت سارة: عايزة أقول أن عمرو الوحيد هو اللي عندي 24 ساعة، مش بيسبني، عمرو الوحيد هو اللي تثقه في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي.
الشبكية تهتكت تماما وفشل التدخل الجراحي
يذكر أن الصفحة الرسمية لـ البلوجر سارة محمد أعلنت عن فقدان بصرها بشكل نهائي، وذلك بعد أيام من تعرضها لحادث إطلاق طلقات خرز عليها، حيث فشل التدخل الجراحي بعدما تبين أن الشبكية تهتكت بالكامل، بسبب إقدام سارة على حماية خطيبها وقت الحادث، وتلقيها دفعة الطلقات كاملة في الوجه.
وكتبت صفحة سارة عبر حسابها بموقع انستغرام: سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه.