فيفي عبده تدافع بشراسة عن هيفاء وهبي

31 أكتوبر 2022

بعد انتشار صورة لها بملامح مشوهة أثناء وجودها بالسعودية لإحياء حفلها بموسم الرياض والانتقادات التي وجهت لها بأنها أجرت جراحة تجميل تسببت في هذا الأمر، دافعت النجمة فيفي عبده عن النجمة هيفاء وهبي من خلال مقطع فيديو عفوي ظهرت فيه من دون مكياج وعلى طبيعتها.

وحرصت النجمة المصرية على الردّ على منتقدي شكل هيفاء وعلى كل من تنمر على ملامحها، وقالت: “متضايقة قوي من اللي بيقال عن هيفاء، يا جماعة هيفاء زي القمر مش عايزة كلام وهي من الستات الباربي، الاضاءة ما كانت جيدة، هيا خاسة شوية ده لوك ومن حقها تغيّر من شكلها، امال بتقلدوا الفنانين ليه”.

وأضافت: “ايه ده يا جماعة ليه كل هالسخرية والانتقادات ايه اللي عملته هيفاء، بسيطة المكان غير مناسب للتصوير عشان الأمن”.

وكذلك فعلت الإعلامية ياسمين عز الت دافعت بشراسة عن الفنانة اللبنانية في برنامجها “كلام الناس” وقالت: “هيفاء وهبي كان عندها حفلة في موسم الرياض وكسرت الدنيا، أعداء النجاح واللي بيغيروا منها بوظوا عليها فرحتها بالحقد والغيرة وجابوا فيديو متصور بكاميرا موبيل بزاوية من تحت وصور وعملوا عليها فوتشوب وحاجات مش موجودة وينشروها ويكتبوا عليها إلحق هيفاء بتخدعنا بشكلها ولكن هي الست أصلا ربنا خالقها جميلة”.

وأضافت: “ما تلعبش أنت في الصور وتيجي تقول هي دي هيفاء، لأ هيفاء جميلة وعندها الاتنين جمال الشكل وجمال الروح وواثقة في نفسها جداً هي زي الطفلة البريئة وكانت بترد على أسئلة الصحفيين بكل أدب ليه ما تكلمناش عن حفلتها اللي كسرت الدنيا وهي نجمة مافيهاش غلطة، لكن الغيرة والحقد هما اللي بيخلوا أصحابهم ياخدوا الجانب السيء، وأي حد هيصور نفسه من تحت كلكوا هتطلعوا عفاريت وأي واحد فاهم تصوير هيعرف كده وده نفس اللي حصل مع هيفاء”.

وكانت هيفاء أثارتضجة كبيرة بعد ظهورها بوجه شاحب وبملامح مختلفة جعلت البعض يتساءل عن تشوه ملامحها بسبب عمليات التجميل وباتهامها بأن جمالها مزيف وعيارة عن فوتوشوب، ولكن الحقيقة أن زاوة التصوير كانت سيئة والإضائة خافتة انعكست على وجه هيفاء وشوهت ملامحها الجميلة.