كل ما نقدمه للتسلية والترفيه، فلا يعلم الغيب الا الله وكذب المنجمون ولو صدقوا.
توقعات برج الحمل اليوم الاربعاء 02 اغسطس 2017 منيب الشيخ
الحمل
من الأيام المهمة يلي بتحملك سفر واتصالات من ناس أول مرة بتتعامل معن ممكن تحس حالك بدك تتعلم او تبدا بشغل جديد والحظ منيح ..
عاطفيا .. يوم فيه مصالحات مع الشريك بعد فترة متعبة وعودة الأمور افضل ..
توقعات برج الثور اليوم الاربعاء 02 اغسطس 2017 منيب الشيخ
الثور
بعد التوتر الكبير يلي مريت فيه وحالة عدم الاستقرار عم تفكر بهاليوم بأمور مالية او تحل قضية قانونية او حتى عم تشفى من مرض وتحس حالك افضل ..
عاطفيا .. انتبه اذا بددتعطي الشريك فرصة وتأكد انو بيستاهل ..
توقعات برج الجوزاء اليوم الاربعاء 02 اغسطس 2017 منيب الشيخ
الجوزاء
ابدا مو مرتاح بالرغم من انك عم تفوت شراكة جديدة او عم تفكر بخطبة او زواج بس توتر كبير وعم تعصب من اقل الاشيا فانتبه وحاول تهدى ..
عاطفيا .. حاول تعزز شراكتك واهدى ولاتخلي كلام الشريك يستفزك حتى ماتخسر كل شي ..
توقعات برج السرطان اليوم الاربعاء 02 اغسطس 2017 منيب الشيخ
السرطان
عم تشعر بالارهاق والتعب الصحي وتراكم الشغل او الدراسة عليك هي الحالة عم تخليك ابدا مو مرتاح وبحاجة للسرعة والتنظيم لتنجز الضروري حاليا وكمان اكيد بحاجة راحة ..
عاطفيا .. لاتعطي ثقتك بالحب لحدا لان كل الناس بلحظة ممكن تبعد فخليك جاهز لكل الاحتمالات
توقعات برج الاسد اليوم الاربعاء 02 اغسطس 2017 منيب الشيخ
الأسد
اخيرا عم تشعر بالراحة وعم ترجع الحظوظ توقف معك عندك يوم مميز وقادر تحصلك على دعم كتير كبير بشغلك او حتى تحصل على مبلغ من المال مو متوقع ..
عاطفيا .. اجواء رومنسية مميزة ناطرتك واذا كنت اعذب فرصة لحب جديد ..
توقعات برج العذراء اليوم الاربعاء 02 اغسطس 2017 منيب الشيخ
العذراء
في شي بالبيت ماعم يريحك مشغول بالك على صحتك او صحة حدا من اهلك وعم تحاول تتمالك اعصابك لأنك كتير مدايق بس مابدك تحسس حدا بهالشي ..
عاطفيا .. حاول تكون قوي وفكر بايجابية ولاتخلي شي يضعفك او يكسرك فترة وبتمر .
توقعات برج الميزان اليوم الاربعاء 02 اغسطس 2017 منيب الشيخ
الميزان
يوم للتفاعل للحركة لتطورات مهمة على صعيد شغلك ممكن تسافر وتتلقى اتصالات مهمة ممكن تحصل على الدعم لتغير بحياتك للأفضل ضمن الظروف الصعبة يلي عم تعاني منها..
عاطفيا .. من الأوقات المريحة عندك وفرص رومنسية مهمة عم تكون بلقاءات وأوقات مميزة ..
توقعات برج العقرب اليوم الاربعاء 02 اغسطس 2017 منيب الشيخ
العقرب
عم تناقش أمور الشغل وتعيد ترتيب حساباتك المالية يمكن عم تحس بأنك صرفت زيادة الفترة الماضية ولازم تعوض او تحصل على مقابل تعبك ..
عاطفيا .. لاتسمح للماضي يوقف بدربك وافتح صفحة جديدة لقلبك ..
توقعات برج القوس اليوم الاربعاء 02 اغسطس 2017 منيب الشيخ
القوس
وضعك افضل بعد فترة كتير صعبة مرت عليك يوم لتعيد ثقة الناس فيك لتعزز مكانتك الاجتماعية لترجع انت الاساس وتسيطر على الوضع وتستغل الطاقة لتغير وتحل مشاكلك ..
عاطفيا .. اليوم بدي ياك تكون حاسم وتتخذ قرار مشان علاقتك ومالازم تكون ضعيف ..
توقعات برج الجدي اليوم الاربعاء 02 اغسطس 2017 منيب الشيخ
الجدي
من أصعب الأيام ضايج كتير وعم تشعر بأنو كل شي ضدك ومافي شي متل مابدك تعبان وحاسس بالضعف جواتك هي فترة مؤقتة فلا تستسلم للظروف شو ماكانت ..
عاطفيا .. كون عقلاني ولاتسمح لعواطفك تتعبك اكتر وتعامل مع اي موضوع ببساطة حتى ماتحس بوجع ..
توقعات برج الدلو اليوم الاربعاء 02 اغسطس 2017 منيب الشيخ
الدلو
يوم بتحس فيه بدعم كبير من الأصدقاء وبتتعرف على ناس جديدة بتكون محل اهتمام كتار وبتقدر تدفع بمصالحك ..
عاطفيا .. استغل هاليوم وحاول تكون مع الشريك حتى تقوي العلاقة فيه وانتبه كتير من اي مشكلة او تصرف غلط هالفترة ..
توقعات برج الحوت اليوم الاربعاء 02 اغسطس 2017 منيب الشيخ
الحوت
عم تكون معرض لكتير من الضغوط بالشغل ممكن حدا يشكك فيك ويحاول يوقعك انتبه وخليك حذر من الناس يلي بوجهين وممكن يكون في تغيير او عمل جديد عندك ..
عاطفيا .. عزز علاقتك وحاول تخفف التوتر يلي عم تمر فيه وخليك متفهم للشريك ..