توقعات برج الحمل اليوم الاحد 03 سبتمبر 2017 منيب الشيخ
الحمل
عم يدعمك صديق ويساعدك بقصة كانت تاعبتك حاول لاتضل لحالك وتفاعل مع رفقاتك وانتبه من مشكلة ممكن تكبر ..
عاطفيا .. عروض لحب جديد وماعم تعرف تختار بين قديم وجديد ..
توقعات برج الثور اليوم الاحد 03 سبتمبر 2017 منيب الشيخ
الثور
يوم مهم بيحملك ترقية بالشغل او شغل جديد كون منتبه من يلي معك ولاتعطي فرصة لحدا يحط عليك كلمة وكون دقيق ..
عاطفيا .. احساس بالتوتر وعم تبحث عن شخص يطلعك من حالتك ويكون بيستاهل حبك
توقعات برج الجوزاء اليوم الاحد 03 سبتمبر 2017 منيب الشيخ
الجوزاء
يوم حلو كتير سفر ممكن واتصالات وتعامل مع اجانب عم تفكر باشيا جديدة وبدك تعمل خطوة مهمة لاتوقف الظروف داعمة ..
عاطفيا .. بتسمع اخبار حلوة والشريك بساعدك لتحلو مشكلة وتحسين العلاقة ..
توقعات برج السرطان اليوم الاحد 03 سبتمبر 2017 منيب الشيخ
السرطان
عم تحس بالراحة وانو الضغط يلي كان عليك الفترة الماضية عم يخف نسبيا انتبه من امور مالية خاصة بما يخص الشراكة لان ممكن تحصل على مال وكمان فيك تعالج حالك من مرض او حتى تحل قصة قانونية ..
عاطفيا .. حاول ترجع علاقتك بالشريك ولاتسمح للمشاكل يلي صارت تنهي حبك ..
توقعات برج الاسد اليوم الاحد 03 سبتمبر 2017 منيب الشيخ
الأسد
يوم مو منيح عم تحس طاقتك منخفضة ومو مرتاح توتر كبير وعدم القدرة على الهدوء هالشي عم يخليك تنفعل بوش يلي معك وحاول لو فيك تدخل شراكة ناجحة بشي شركة او مشروع بدون ماتخرب وضعك ..
عاطفيا .. عم تفكر بالارتباط بس بنفس الوقت مو مبسوط من الشريك وحاسس في مشاكل عم تصير ممكن تخرب كل شي
توقعات برج العذراء اليوم الاحد 03 سبتمبر 2017 منيب الشيخ
العذراء
عم تحس حالك تعبان ومرهق وكتير عندك ضغط وماعم تلحق شي ان كان دراسة او شغل بدك تنتبهلي لصحتك وتشتغل الضروري حتى مايتراكم عليك ولاتنفعل ..
عاطفيا .. حالة من الجنون عم تصيبك وعم تفقد ثقتك بكتير ناس حوليك ..
توقعات برج الميزان اليوم الاحد 03 سبتمبر 2017 منيب الشيخ
الميزان
يوم مميز كتير حاول تستغل كل دقيقة فيه لتدفع بمصالحك الواقفة لان عانيت كتير الفترة الماضية فهاليوم مدعوم بالحظ وفرصة لتتقدم وتغير وضعك للافضل شوي ..
عاطفيا .. في فرصة حلوة رومنسية اليوم اذا مشتاق تحاكي حدا فاليوم مناسب ..
توقعات برج العقرب اليوم الاحد 03 سبتمبر 2017 منيب الشيخ
العقرب
عم تشعر بحجم مسؤولية كبير عليك وخاصة لان الموضوع اليوم بخص اهلك او بيتك بدك تكون متفهم وحكيم وتحل الامور بهدوء حتى ماتكبر عندك ..
عاطفيا .. يمكن الحب عندك ماعم يكتمل وهالشي عم يعملك خيبة امل كبيرة حاول تعيش حبك بعيد عن الناس لان ممكن يكونو العامل الاكبر لهالشي ..
توقعات برج القوس اليوم الاحد 03 سبتمبر 2017 منيب الشيخ
القوس
انت عم تتحرك اليوم وتفرض كلمتك وتكون مقنع للكل عم تتواصل وتتلقى اتصالات كتير وتكون ناجح بعملك وممكن تحصل على سفرة قصيرة وتتقدم بعملك بس هالشي بحدود لان وضعك مو كتير تمام وانتبه من حوادث السير..
عاطفيا .. اليوم بيحملك لقاء رومنسي او مشوار مع الشريك حاول تفضي مخك وتقضي اوقات حلوة ..
توقعات برج الجدي اليوم الاحد 03 سبتمبر 2017 منيب الشيخ
الجدي
عم تفكر بامورك المالية يمكن عم تحس انو انت بحاجة وهاليوم ممكن تحصل فيه على المال بس انتبه من مصاريف زايدة وحاول تحرك شغلك وتحسن وضعك بالعمل ..
عاطفيا .. حافظ على استقرار علاقتك ولاتكون متسرع باتخاذ قراراتك ويوم حلو بس خليك رايق
توقعات برج الدلو اليوم الاحد 03 سبتمبر 2017 منيب الشيخ
الدلو
اخيرا عم تدعمك طاقة القمر وعم تفكر تغير وضعك وتخلص من القصص القديمة وتبدا من جديد انت افضل بكتير فكر بخطوات ايجابية لتطلع من حالتك ..
عاطفيا .. خبر حلو وحكي رومنسي بانتظارك بس انت افتح قلبك
توقعات برج الحوت اليوم الاحد 03 سبتمبر 2017 منيب الشيخ
الحوت
حالة من الركود عم تمر فيها اعمالك بتحس كل شي ثابت وانت مو مرتاح وفي ناس عم تحاول توقعك بدي ياك تهدى حتى يمر هاليوم على خير ..
عاطفيا .. افكار عم تاخدك وتجيبك وماعم تعرف شو بدك او مع مين تستقر ..