محمد فراج: من حق الجمهور نقد نجوم الفن ولكن دون إهانة وتجريح
17 سبتمبر 2023
القاهرة – عمرو يوسف
أصدر الفنان محمد فراج توضيحا رسميا للكشف عن ملابسات تصريحاته الأخيرة التي أثارت جدلا واعتبرها البعض مهينة للجمهور، أثناء دفاعه عن الفنانة داليا شوقي شقيقة زوجته بسنت، وأكد فراج أن التصريح المتداول تم اقتطاعه من سياقه، وإنه لم يقصد أبدا منع الجمهور من نقد الأعمال الفنية، ولكنه يرفض حملات الإهانة والتجريح.أضاف محمد فراج عبر حسابه الرسمي بموقع إنستغرام قال فيه: مساء الفل، فوجئت بعدد كبير من أصدقائي بيقولولي مزعل الجمهور ليه يا فراج؟، بصراحة استغربت من السؤال، أنا بقالي أكتر من 15 سنة ممثل، عمر ما حصل إن اتقال لي جملة زي دي.
View this post on Instagram
أضاف: القصة بإختصار، أنا كنت في العرض الخاص لفيلمي، واتسألت من برنامج محترم عن ردي على اشاعة انفصالي عن بسنت وإنتقاد أداء داليا شوقي، ورغم إن لا الوقت ولا المكان يستحملوا الكلام ده لأننا بنحتفل بالفيلم لكن احترامًا للإعلام بشكل عام جاوبت».
وتابع قائلًا: «بس زي ما كلكم عارفين أن صيغة السؤال بتتحذف في المونتاج والخبر اللى بينتشر هو الإجابة فقط لا غير فالسؤال كان: إيه ردي على حملات الإهانة والتجريح فأنا قلت إن ده ماينفعش ناخده بجدية لكن مكنتش بتكلم على الجمهور بشكل عام إطلاقًا».
واستكمل فراج حديثة قائلا: «أنا متأكد إن جمهوري اللي بنى اسم محمد فراج فاهم معنى كلامي كويس وعارف إن في فرق بين وجهة النظر وبين الإهانة والتجريح، ومتأكد إن جمهوري عارف إني مستحيل أحجر على رأيه، وياريت دايما الحكم على أي موقف أو رأي يكون بنظرة شاملة، مش من خلال سطرين متاخدين من مانشيت على فيس بوك، أو من فيديو اتعمل له مونتاج».
واختتم: «معلش طولت عليكم بس يمكن اللي حصل ده كان فرصة لتأكيد إمتناني الدائم بآراء الجمهور وإني بستفيد من النقد والملاحظات زي ما ببقى سعيد بالإشادات..بحبكم وشكرا لدعمكم ليا من بداية مشوارى».