شيماء سيف قبل انتهاء عطلة الصيف: أين الحياء؟
2 سبتمبر 2023
القاهرة – عمرو يوسف
تصدرت الفنانة شيماء سيف ترند موقع تويتر في مصر، بعد توجيه رسالة غاضبة لمرتادي الشواطيء المصرية، توقفت فيها أمام ظاهرة ارتداء ملابس البحر في الأماكن العامة، دون خجل أو حياء حسب وصفها، وحذرت من الاعتياد على هذا المظهر دون خجل أو حياء من الفتيات أو شعور بالغيرة من الرجال، وقالت إنها تعلم أن البعض سيهاجمها ويتهمها بالتخلف، ولكنها مصرة على مواجهة هذه الظاهرة.
شيماء سيف، نقلت منشورا من صديقة لها قالت إنه يعبر عما يدور في خلدها، وأضافت عبر حسابها الشخصي بموقع انستغرام، قائلة: خلاص الصيف بيخلص لكن للأسف آثاره مكملة.. طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف..المايوه بقي يتلبس في كل مكان مش على البحر بس.. توب المايوه بقي اللبس الرسمي للبنات وفوقه کاش مايوه بیبین أکثر ما بیستر.
View this post on Instagram
وتابعت شيماء سيف: هي البنات دي ما لهاش أب أو زوج أو أخ قلبهم يأكلهم عليهم والدم يجري في عروقهم؟.. فين نخوة الرجالة.. فين حياء البنات.. والمصيبة أن كل الأعمار وكل الأحجام مش بتفرق.. الموضوع زاد أوي تحت مظلة أنه بلاش خجل الجسم وكلام فاضي، فين الحياء؟
وأردفت شيماء سيف: الجسم المفروض نحافظ عليه مش نمتع غيرنا بيه.. الغلط غلط ولو كل الناس عملوه.. الغلط القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغیرین وبيسألوا هي ليه البنت دى لابسة كده يا ماما؟ كل شيء بقي مباح كدة للناس كلها؟ ربنا يستر علينا جميعا ويهدي البنات والأولاد ويشوفوا الغلط غلط.
وأوضحت شيماء سيف: غلط ولو أصبح عادة الكل.. هفضل أقول ده غلط حتى لوكنت لوحدي اللي بقوله.. العري مظهر من مظاهر التخلف الفكري واللي فاكر أنه تحضر ماشي وراء.. مهما کتر ربنا أرنا الحق حقا وأرزقنا اتباعه وأرنا الباطل باطلا وجنبنا اتباعه.