حفل ترافيس سكوت أمام الأهرامات سيقام في موعده .. توضيح من الشركة المنظمة

19 يوليو 2023

القاهرة – عمرو يوسف

قال المهندس محمد سراج مسئول الشركة المنظمة لحفل مطرب الراب الأمريكي ترافيس سكوت:”الحفلة في موعدها ومستنيين الجمهور يوم 28″.

وأضاف خلال مداخلة هاتفية بإذاعة نجوم إف إم:”مفيش أي بيان رسمي لإلغاء حفلة ترافيس سكوت، وفقا للموعد المحدد والمعلن”.

ولفت:”حفل ترافيس سكوت من أكبر الحفلات اللي اتعملت في الهرم، وهو فنان الشباب بيحبوه جدا، وقبل ما نفتح باب بيع التذاكر لازم نبقى متأكدين إن التصاريح موجودة، ولما فتحنا بيع كانت الساعة 2 بالليل والتذاكر خلصت في 11 دقيقة وده رقم عالمي وأول مرة تحصل في تاريخ البلد”.

وأشار:”الحفلة عددها مش كبير أبدا ولكن صغير علشان تبقى منظمة التنظيم اللى يليق بحجم الحفلة والمكان الموجودة فيه، واللي اشتروا التذاكر من 54 بلد فكم سياحة كبير هيحصل، والناس اللي اشترت كلها بدأوا يبعتوا واقترحوا علينا فنادق والاقامة في مصر لفترة أطول، والإيفنت ده يروج للأهرامات والسياحة في مصر”.

وأكد:”حفل ترافيس سكوت قائم ولم يصلنا أي إنذارات ومفيش حاجة اسمها حد يعطي تصريح بختم وإمضاء وبعدين يلغيه بالبوق ومشوفناش أي بيان رسمي من جهة رسمية بيقول الكلام ده، والفريق الفني يجهز للحفل، ومش عارف لحد دلوقتي ليه الشوشرة بتاعت إلغاء الحفل حصلت لحد دلوقتي”.

كما نفى ديفيد سترومبرج مدير أعمال المغني العالمي ترافيس سكوت، خلال تويتة له على حسابه الرسمي على موقع تويتر، ما انتشر مؤخرًا عن إلغاء حفل ترافيس سكوت المقرر إقامته في مصر بتاريخ ٢٨ يوليو الجاري.

وأرسل عدد كبير من معجبي المغني ترافيس سكوت، روابط الأخبار التي نشرت في الساعات الأخيرة، وتؤكد إلغاء الحفل، ليرد عليها مؤكدًا أنها أخبار كاذبة.