حسن شاكوش يعتذر من حورية فرغلي: مجرد زميلة وصديقة عمل

20 يوليو 2023

القاهرة – عمرو يوسف
رفض مطرب المهرجانات حسن شاكوش، الزج باسم الفنانة حورية فرغلي في الأزمات المتبادلة بينه وبين طليقته ريم طارق، بعدما ألمحت الأخيرة في لقاء تلفزيوني قبل يومين حول وجود علاقة بين طليقها وإحدى الفنانات الحرف الثالث من اسمها راء، وتعاني من أزمة صحية مشهورة، الأمر الذي جعل البعض يزعم أنها الفنانة حورية فرغلي.

وكتب حسن شاكوش عبر صفحته الرسمية بموقع فيس بوك قائلا: جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هيا عكسية الحقيقة دائما عند ربنا وسكوتي وعدم ردي شئ مريحني أكتر من الكلام ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية بحب أقول إن الفنانة حورية فرغلي لا يمسني بيها أي شيء غير أنها زميلة وصديقة عمل.
وأضاف حسن شاكوش: ومش فاهم سبب وجود سيرتها في الموضوع إيه من خلال البرامج أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس أنا دلوقتي بمتنع عن أي كلام في حاجة تخص حياتي الشخصية أرجوا احترام رغبتي وكل التقدير ليكي يا فنانة يا كبيرة وبعتذر ليك مرة أخرى عن أي شئ اتحطيتي فيه.