توقعات برج الحمل اليوم الاربعاء 13 سبتمبر 2017 منيب الشيخ
الحمل
يوم من الايام الايجابية يلي قادر فيها تقنع وتوصل رأيك في فرص لسفرة قصيرة او مشوار مع شخص معين كمان بتقدر تتحرك بحرية اكبر بهاليوم ..
عاطفيا .. استجابة الشريك عم تكون بطيئة وهالشي عم يخليك متوتر لكن يوم مميز اذا بدك تلتقي فيه ..
توقعات برج الثور اليوم الاربعاء 13 سبتمبر 2017 منيب الشيخ
الثور
عم تناقش بداية شغل جديد ووضعك المالي بحاجة لاعادة ترتيب وهالشي بخليك اليوم تكون دقيق حتى ما تخسر وبتميل للكسل وبتحب النوم زيادة بتصير ..
عاطفيا .. الامور العاطفية ماعم تكمل معك لكن انتظر ولا تتسرع كل شي رح يكون منيح ..
توقعات برج الجوزاء اليوم الاربعاء 13 سبتمبر 2017 منيب الشيخ
الجوزاء
يمكن القمر عندك يعني طاقة التغيير المناسبة وقدرة على ايجاد الحلول واعادة الثقة مع محيطك رغم انك مو مرتاح من جهة تغيير بيت او حتى عائليا امور مؤقتة لاتخاف ويوم داعم الك باي شي جديد بدك تعملو ..
عاطفيا .. انت مشرق وجاذبيتك عالية والعاطفة كمان فخليك مع التجديد بحب اذا اعذب او اصلاح امور العلاقة اذا مرتبط ..
توقعات برج السرطان اليوم الاربعاء 13 سبتمبر 2017 منيب الشيخ
السرطان
حالة من القلق والضجر عم تعيشها وبتشعر انو الامور سيئة لكن هاد مجرد احساس ورح ينتهي قريبا خليك بعيد عن الوحدة وكل شي رح يصير افضل بس اصبر ..
عاطفيا .. لاتسمح للمشاكل الصغيرة تخرب حب كبير ولاتستفز الشريك لان ممكن هالشي يزيد الامور سوء ..
توقعات برج الاسد اليوم الاربعاء 13 سبتمبر 2017 منيب الشيخ
الأسد
انت بحال افضل من ناحية الصداقات والدعم الايجابي يلي عم يقدموه الك مارح قلك اطلب مساعدة لانك مارح تطلب لكن حاول تستفيد من وجودن معك ولاتضل لحالك وخليك حذر بشغلك ..
عاطفيا .. انت عم تمتلك الجاذبية القصوى بهالايام حاول تستغل هالشي ولا تفكر بالخسارة العاطفية لان يلي بيتركك هو يلي رح يخسر ..
توقعات برج العذراء اليوم الاربعاء 13 سبتمبر 2017 منيب الشيخ
العذراء
من الايام المهمة يلي عم تحدد فيها موضوع او قصة مهمة بحياتك مشان هيك لازم تنتبه وتستغل الفرص بعيد عن المشاكل يلي ممكن تحصل لان في ناس ناطرتك على غلطة ..
عاطفيا .. خليك هادي وماتحاول تخلي الشريك يتعبك انت مو ناقصك لان ..
توقعات برج الميزان اليوم الاربعاء 13 سبتمبر 2017 منيب الشيخ
الميزان
بعرف انك مو مرتاح وبراسك ألف قصة لكن يوم من الايام الايجابية والمساعدة الك مارح قول لتحل كل شي لكن لتخلص من بعض الامور وفرصة لتتعرف على ناس جديدة وتبدا قصة جديدة بحياتك ..
عاطفيا .. انت مدايق من بعض تصرفات الشريك وهالشي عم يعمل حساسية بيناتكن انا برايي تصارح الشريك وتفهمو غلطو ..
توقعات برج العقرب اليوم الاربعاء 13 سبتمبر 2017 منيب الشيخ
العقرب
ممكن هاليوم تكون بحاجة مصاري وحاسس بانك بمأزق مالي هالشي ممكن يحصل من شراكة او ميراث لكن خليك منتبه لمصروفك حتى مايزيد اكتر وحتى ممكن تحل قصة قانونية او قضائية ..
عاطفيا .. عم تفكر بشخص وعم تحاول تلاقي طريقة للصلح لكن اكيد مارح تكون المبادرة منك ..
توقعات برج القوس اليوم الاربعاء 13 سبتمبر 2017 منيب الشيخ
القوس
اجواء مشحونة عم تكون عم تخليك بكتير اوقات منفعل وعليك ضغوط كبيرة لكن حاول قدر الامكان تساير لان رح تخسر مواجهتك مع اي شخص بالرغم انو ممكن تتم عقد ويكون يوم ايجابي عندك ..
عاطفيا .. انت امام حب جديد او بداية ارتباط اذا كان وضعك بيسمح وغير هيك اذا انت مرتبط انتبهلي لعلاقتك ولاتكبر المشاكل ..
توقعات برج الجدي اليوم الاربعاء 13 سبتمبر 2017 منيب الشيخ
الجدي
بتبدا نهارك بتعب صحي يمكن وبتشعر بانك مرهق حتى الشغل بيتراكم فجأة عليك وبتزيد المسؤوليات لاتخاف حاول تنهي الضروري وراعي وضعك الصحي وكل شي رح يكون منيح ..
عاطفيا .. استخدم حكمتك لتوجه قلبك باتجاه المكان الصحيح والامن حتى ما تتعب اكتر ..
توقعات برج الدلو اليوم الاربعاء 13 سبتمبر 2017 منيب الشيخ
الدلو
يوم للمتعة والاجواء الحلوة يمكن عم تلاقي حالك بوضع افضل واخبار حلوة ممكن تسمعها وفرص عم تدق بابك وقادر تحصل على اوقات ممتعة بهاليوم ..
عاطفيا .. اذا مرتبط فيوم ايجابي الك واذا اعذب فرصة لتلاقي حب جديد ..
توقعات برج الحوت اليوم الاربعاء 13 سبتمبر 2017 منيب الشيخ
الحوت
انت بالك مشغول بقصص البيت واهلك خاصة وهالشي بخليك متوتر وموورايق حاول تهدى وتحل الامور بدون حساسيتك الزايدة لان لازم تكون قوي ..
عاطفيا .. مابعرف اذا الحب عندك الو علاقة بمشكلة مع الاهل بس انتبه وخليك بعيد عن المشاكل ..