كل ما نقدمه للتسلية والترفيه، فلا يعلم الغيب الا الله وكذب المنجمون ولو صدقوا.
توقعات برج الحمل اليوم السبت 26 اغسطس 2017 منيب الشيخ
الحمل
اليوم فيه توتر وعدم راحة وضغط كبير بس بعد الضهر كون متفهم ودبلماسي وخفف من مصاريفك وفي فرص لامور مهمة وتغيير بوضعك للأفضل بس بدك تكون لين وما تعاند على رايك وانتبه لصحتك ممكن تتعب بس انت بفترة افضل لاتخاف ..
عاطفيا .. لاتسمح لاسلوب الشريك يستفزك وخليك رايق وتفهم الوضع قدر الامكان ..
توقعات برج الثور اليوم السبت 26 اغسطس 2017 منيب الشيخ
الثور
بعد نهار متعب شغل وصحيا وعدم راحة وتراكمات بعد الضهر للشراكة عقد معاملة فيك تشتغل بهالمجال بس انتبه من توترك الزايد وتفكيرك ولاتعصب كل شوي بدنا رواق وعندك فرص حلوة لبداية شراكة ..
عاطفيا .. لاتترك مجال للشك بعلاقتك وحاول تبحث عن حلول ويمكن عندك نهاية علاقة هاليومين …
توقعات برج الجوزاء اليوم السبت 26 اغسطس 2017 منيب الشيخ
الجوزاء
نهار حلو رومنسيا وفي دعم ايجابي بس بعد الضهر بيتراكم عليك شغل كتير وانت تعبان وامورك الصحية مو تمام دير بالك ونظم وقتك واكلك وكل شي رح يكون منيح بس خليك دقيق وماتهمل شي وممكن تغيير بشغلك او عمل جديد
عاطفيا .. فكر بالاستقرار بعيد عن المشاكل ولاتستفز الشريك .
توقعات برج السرطان اليوم السبت 26 اغسطس 2017 منيب الشيخ
السرطان
بعد نهار فيه ضغط خاصة عائليا ومو مرتاح فيه بعد الضهر في انفراجة وحلول لكتير مشاكل عندك عم تحس براحة نسبية وعم ترجع لعافيتك استغل هالفترة وصلح مشاكلك مع العيلة والاحباب وابتعد عن العصبية ليكون يوم مميز
عاطفيا .. انت بأفضل الايام عاطفيا حاول تحدد خياراتك وتستقر على حبك ..
توقعات برج الاسد اليوم السبت 26 اغسطس 2017 منيب الشيخ
الأسد
بعد نهار منيح وكلو حركة وافكار حلوة رح يكون في كتير تعب وعرقلة المسا وخاصة بالبيت عندك هدي الاوضاع وكون حكيم عم تدخل يوم فيه مواجهات وانت مو مرتاح بس ممكن تكون هادي وتحل المشاكل برواق وتعامل بمرونة وبدون نرفزة لأن الوضع مو متحمل ..
عاطفيا .. ماعم تكون مبسوط وعم تفقد ثقتك بكتار يمكن انت بحاجة لحبيب حقيقي هالفترة بس ماعم تلاقي ..
توقعات برج العذراء اليوم السبت 26 اغسطس 2017 منيب الشيخ
العذراء
بعد نهار مالي وركود نسبي وصرف كتير بعد الضهر فرصة لتحكي رايك وتكون ملفت ومميز بأفكارك ممكن تساف انت اليوم وقادر تدفع بعلاقاتك لقدام وتتصالح مع ناس جدد حلول عندك اليوم وحركة ايجابية مثمرة اذا عرفت تستغلها
عاطفيا .. فكر اليوم بحبك وغير جو بمشوار رومنسي وقضي اوقات حلوة مع الشريك ..
توقعات برج الميزان اليوم السبت 26 اغسطس 2017 منيب الشيخ
الميزان
بعد نهار حلو ومميز وطاقتك عالية فيه وحلول بعد الضهر للربح لمكاسب من شغل اضافي ومصاريف من شي ما بتتوقعو يمكن بس خففلي مصروفك مو ضروري تفرد ايدك كتير وتصرف كل شي لان رح تحتاج ..
عاطفيا .. حاول تهدى و تحافظ على استمرارية علاقتك واجواء حلوة اليوم ..
توقعات برج العقرب اليوم السبت 26 اغسطس 2017 منيب الشيخ
العقرب
بعد تعب النهار والعرقلة يلي مريت فيها والتعب الكبير بعد الضهر فرصة لترجع مكانتك عند الكل وتستعيد ثقتن فيك انت مشرق وقادر تناقش وتكون انت افضل فتاح صفحة جديدة وعيش يوم مناسب ايجابي وحل لمشكلة وغير وضعك لان بحاجة هيك يوم
عاطفيا .. يوم بتحس فيه براحة بعد الضهر وبترجع الأمور افضل مع الشريك وبتستعيد ثقة الشريك فيك ..
توقعات برج القوس اليوم السبت 26 اغسطس 2017 منيب الشيخ
القوس
نهار حلو واجتماعي مع الاصدقاء والصحبة بس بعد الضهر انتبه الامور ما رح تمشي معك انتبهلي لصحتك ولاتحاول تحسم شي لان وضعك تعبان ومعرقل هالفترة بس اصبر وخلي هالفترة تمر على خير..
عاطفيا .. حاول تكون منتبه اليوم لأن ممكن يصير معك مشكلة عاطفية او يصير سوء تفاهم المسا ..
توقعات برج الجدي اليوم السبت 26 اغسطس 2017 منيب الشيخ
الجدي
نهار بيحملك توتر وضغط بس من بعد الضهر اوقات مهمة وحلوة فيها اخبار حلوة في حدا بساعدك لتصل لمكان انت عم تسعى الو من زمان وعم تعزز علاقاتك اليوم وتتعامل مع الأصدقاء باريحية
عاطفيا .. حاول تفكر بطريقة مبسطة لعلاقتك ولا تكبر القصص لأن مو لصالحك ..
توقعات برج الدلو اليوم السبت 26 اغسطس 2017 منيب الشيخ
الدلو
يوم منيح بالنهار بتحصل فيه على اوقات حلوة ومميزة ومن بعد الضهر بتحس بتوتر حافظلي على سمعتك ولا تكون متسرع على الرغم من انك ممكن تحرز تقدم ونجاح اذا نظمت امورك صح وانتبهت من الأخطاء ..
عاطفيا .. لاتعطي كل ثقتك للشريك وخاصة اذا العلاقة جديدة خليك دايما جاهز لكل الاحتمالات ..
توقعات برج الحوت اليوم السبت 26 اغسطس 2017 منيب الشيخ
الحوت
بالنهار مو مرتاح بالمجمل وبعد الضهر بترجع لنشاطك باتصالات وسفر والحظ بيدعمك بالامور العائلية لتحلها وفي اخبار حلوة رح تسمعها
استغل المسا لان الحظ معك بكون ..
عاطفيا .. حب جديد ممكن يصادفك او حدا من الماضي يحاكيك ..