كل ما نقدمه للتسلية والترفيه، فلا يعلم الغيب الا الله وكذب المنجمون ولو صدقوا.
توقعات برج الحمل اليوم الخميس 31 اغسطس 2017 منيب الشيخ
الحمل
صباح حلو لكن اليوم بدي منك تركيز وماتترك شي يفوتك يمكن تلاقي فرصة شغل مهمة .. حافظ على مكانتك وسمعتك حتى بتزيد شعبيتك وبساعدك صديق لتحل قصة ..
عاطفيا .. لاتكون عصبي ومتسرع وحاول تبتعد عن التفكير وخليك حاسم شوي
توقعات برج الثور اليوم الخميس 31 اغسطس 2017 منيب الشيخ
الثور
بعد ايام طويلة يوم حلو كتير انفراجة كبيرة بأمورك .. عندك سفر اذا بدك او اتصالات من حدا بعيد اثبت قدراتك اليوم ورح تلاقي الحلول لكتير اشيا ناطرتك وفرص مهمة ..
عاطفيا .. بادر والحظ بيدعمك الحظ لتصل لقلب الحبيب اليوم وتعيش اوقات حلوة
توقعات برج الجوزاء اليوم الخميس 31 اغسطس 2017 منيب الشيخ
الجوزاء
توتر الصب وعم ترتاح اليوم وترجع امورك افضل نسبيا عم تناقش شغلات بتخص مصاري ممكن دين او قرض او فرصة مالية وعم ترجع تثبت حالك مهنيا ..
عاطفيا .. في حدا معجب فيك هالفترة وحب بحاجة لاهتمام ..
توقعات برج السرطان اليوم الخميس 31 اغسطس 2017 منيب الشيخ
السرطان
من أصعب الايام عليك مو طايق حدا من يلي معك فترة عصبيتك فيها عم تزيد عم تغلي من جواتك خليك هادي واستغل هاليوم لتحسن امور الشراكة مو تخربها لأن الوضع أبدا مو متحمل ..
عاطفيا .. انت بموقف حساس بعلاقتك والكلمة ممكن تخرب كل شي فلا تتسرع ..
توقعات برج الاسد اليوم الخميس 31 اغسطس 2017 منيب الشيخ
الأسد
صباح مميز بس بعد الضهر مو مرتاح عم يتعبك الشغل والمسؤولية وتأخير بشغلك حتى في تراجع بالمعنويات واليوم عم تحس بارهاق كبير ووقت مافيه انتبه من هالشي نظم وقتك ولاتهمل صحتك ..
عاطفيا .. اهمال الحبيب عم يحسسك بالحزن ومو مرتاح بالمجمل وبدك تطلع من هالحالة ..
توقعات برج العذراء اليوم الخميس 31 اغسطس 2017 منيب الشيخ
العذراء
يوم حلو لأنك عم توصل أفكارك صح وتقنع ممكن تعمل اليوم شي سهرة وتفرح وتنبسط بقعدة مع ناس بتحبن وتسمع اخبار حلوة فخليك جاهز ..
عاطفيا .. عم تفكر تعزز علاقتك وتتقرب من الحبيب اكتر الحظ بيدعمك واليوم رح تعيش اجواء رومنسية مميزة بعد فترة تعب ..
توقعات برج الميزان اليوم الخميس 31 اغسطس 2017 منيب الشيخ
الميزان
مو مرتاح اليوم يمكن جو البيت مكركب وفي وضع معين بدنا هدوء لحل المشكلة ومزاجك متقلب اليوم حاول ترتاح وما تكبر القصص وتكون حكيم ..
عاطفيا .. مليت من القصص الفاشلة ويمكن بدك تستقر بحب يعطيك الرومنسية يلي بتحتاجها
توقعات برج العقرب اليوم الخميس 31 اغسطس 2017 منيب الشيخ
العقرب
نشيط اليوم سفر او اتصالات مهمة في مشاريع شغل جديدة انت ذكي وقادر تصل يمكن تهتم لحدا من الاخوة اليوم وتركز اهتمامك بقصة بتخص علاقتك بحدا ..
عاطفيا .. تردد كبير بعلاقة جديدة وخايف من ارتباطك بحب مع انك بحاجة لاستقرار عاطفي
توقعات برج القوس اليوم الخميس 31 اغسطس 2017 منيب الشيخ
القوس
بعد نشاط وتطورات عندك اليوم انتبهلي لمصروفك الكبير في فرص لمكاسب مالية وتحسن على على كل الأصعدة وممكن تحصل على مكافأة كمان ..
عاطفيا .. لاتفرض طريقة تعاملك على الشريك وحاول تساير لان الحب مشاركة ..
توقعات برج الجدي اليوم الخميس 31 اغسطس 2017 منيب الشيخ
الجدي
بعد صباح معكر بترجع بطاقة كبيرة كتير والاضواء عليك عم تعمل كتير اشيا والحظ بيدعمك ابدأ مشاريع جديدة واستغل طاقتك يوم ممكن يكون انطلاقة الك بعد فترة ركود وتحسن على كل الأصعدة ..
عاطفيا .. حاول ترجع علاقتك وحبك القديم اليوم اذا كنت ناطر هالشي وحليان ..
توقعات برج الدلو اليوم الخميس 31 اغسطس 2017 منيب الشيخ
الدلو
صباحا ممكن تنعزم على فطور مع الاصدقاء لكن بعد الضهر يوم تعب بدك تهدى وتروق و لاتحاول تخلص امورك اليوم ركزلي عالقصص الضرورية بس وارتاح وانتبهلي لصحتك ولاتنفعل وحاول تتجنب المشاكل قدر الامكان
عاطفيا .. لاتخلي افكارك السودا تسيطر عليك وتخرب حياتك اترك الامور للأيام ورح تكون احسن عاطفيا ..
توقعات برج الحوت اليوم الخميس 31 اغسطس 2017 منيب الشيخ
الحوت
بعد توتر الصبح يوم اجتماعي دعوات وطلعات ومشرق انت اليوم وملفت للأنظار لاتضل لحالك في كتير قصص حلوة ناطرتك اليوم بس خليك متفاعل مع محيطك ..
عاطفيا .. كون بعيد عن الوحدة وخليك مع الاصحاب حتى ما يضعفك الحنين للماضي وتتعب نفسيا ..