رد فعل الفنانين على تصريحات حلا شيحة: رجعي الفلوس وموعدتكيش بحاجة

 

17 يوليو 2021

أثارت الفنان المصرية حلا شيحة، جدلا واسعا صباح اليوم، عبر مواقع التواصل الاجتماعي، بسبب تصريحاتها التي شنت فيها هجوماً على الفنان تامر حسني، واتهامه بإخلاله بوعده لها ونشر فيديو كليب من فيلمهما الجديد مش أنا دون الرجوع إليها.

ولأنها ليست المرة الأولى التي تعلن فيها حلا شيحة اعتزالها، ولأنها هاجمت زميل لها ودعت الفنانين للتوبة والابتعاد عن الفن لأنه حرام، علق الكثير من الفنانين على هذه الأزمة التي أثارت استفزازهم.

رد تامر حسني على تصريحات حلا شيحة عبر صفحته الرسمية على فيسبوك، مشيراً إلى أنه فوجئ برد فعلها واضطر للرد وهو الأمر الذي لم يكن يريده.

وكتب تامر حسني”نهاركم جميل يا أغلى الناس لحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو”

تابع تامر حسني: “أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده ، و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا ، و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!!”

وأضاف تامر حسني: ” هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!”

اختتم بطل فيلم مش أنا: “أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين”.

من جانبه عبر الكاتب والسيناريست محمد العدل عن استيائه من تصريحات حلا شيحة، ورد عليها قائلا: ” “اللي عملتيه شايفاه حرام، هتصرفي فلوس حرام، رجعي الفلوس”، “عفوا أفخر بانتمائي للفن والفنانين”.

أوضحت منة فضالي أنها تحترم حرية حلا شيحة إلا أنها لا ترى داعي لتغيرها وتجريحها في زملائها بعد الزواج وقالت تعليقا على خبر تصريحات حلا شيحة: “لا تعليق لأن تعليقي هيكون جارح.. مش تجريح بس مينفعش قبل الجواز كلام، وبعد الانفصال كلام، وجواز تاني كلام ونجرح في الزملاء، اللي ملهومش ذنب، هو حد ضربها على إيديها، تصور المشاهد دي، وبعدين ترجع تقول كلام تاني”.

قالت الفنانة إلهام شاهين، إنها لا تحجر على حرية أحد، ولا ترى داعي لهجوم حلا شيحة على زملائها، وكان من الأجدر بها الاعتزال بهدوء دون التجريح في أي شخص.

ورفضت إلهام شاهين إدلاء تصريحات حول رأيها في خبر اعتزال حلا شيحة للفن، مشيرة إلى أنها حرية شخصية، وأن حلا شيحة حرة في نزعتها الدينية، ولكن ليست حرة في التجريح في أي أحد، وأكدت أنها تعتبر فنانة معتزلة منذ فترة لأنها تقريبا لا تعمل.

هاجمت الفنانة راندا البحيري حلا شيحة بعد تصريحاتها أيضا، وكتبت عبر حسابها على فيسبوك: ”

هو محدش قال لحلا إن باب التوبة مش موجود على الإنستجرام؟، هو برضه اللي مضطرب؟ لالالا، والله كانت صعبانة عليّ في الأول، بس كده صعب أوي حد ياخد بقي منها الموبايل بسرعة.

وتابعت: هو محدش فهمها إن اللي بتعمله ده ممكن يعرضها للمسائلة القانونية وإنها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل ده أكنها أحسن منه، واحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي و ربنا جعله سبب لفتح بيوت أد كده، تقوم دي تنصحه؟ لا والله هم يضحك”.

قد يعجبك ايضا المزيد عن المؤلف

اترك رد

لن يتم نشر عنوان بريدك الإلكتروني.